සිද්ධි දෙකක්

දැල් වී ගිය ගිණිදැල්
නිවී ගොස් අවසන්ය
තුනීවී ගිය රුධිර ගග
උරාගත් වග මහ පොළොව
කියා යළි වෙහෙසෙම්ද...!


අදිසි ලෙස පිළිපන් බුද්ධි රළ
ආරන්චි පතුරවන්නන් ලෙස
කාර්ය බහුලය බොහෝලෙස...
ඉවසීමේ සීමාව
ප්‍රසන්සාත්මකය හැම විටම
ප්‍රජාතන්ත්‍රවාදය...
සම අයිතිය...
නැතහොත් ආදරය ගැන..
නොසැළකිලිමත් වදන් අරුත් ලෙස..!


නෙළාගත් අස්වැන්න
සාධාරණ මිලක් ලෙස...
වපුරා උන් උන්ම සරුකළ
නොතැකීම හා ව‍න්කකම
නොදිරා ජරපත්ව එළෙසම...


සොහොන් කොත් පමණක් නිහඬව
අහසට එසවී බලාගත් වනම....


අනාරක්ෂිත බව හැම තැනම
දිව්රාවි හමා යන මඳනලද...
නිහඬව විනිසුරන්
තුති පුදන්නන් හා ප්‍රසංසා මැද
නොඅසා වේදනා හා අඳෝනා
ධයිර්ය මත් නොවී අලසව..!!!


සයනයේ වැතිරගත් ඝනඳුර
නිසලය තවමත් එළෙසම..?


05/22/09
Dalson

සඳ මඬල

ගලා යන සද දියෙන් දෝතට
පැන් පොදක් ගෙන මල් වියන් යට
පුන්චි සේපාලිකා මල මත
තබා සිප මට වැළද ගන්නට
එන්න තව කල් ගොඩක් යනවද
කියා ලිපියක් ලියා එව්වද....


සුදෝ සුදු හිම පොකුරු අරගෙන
හමා එන මේ සීත මද නල
මගේ හදවත පාළු කතරක
තනිවෙලා මා හෙළන සුසුමක
ශෝක රාවය දුරක හෝ සිට
රැගෙන විත් ඔඹ හද පතුල මත
තබා නිහඩව නැවත ආ බව
නොනිදාම ඔඹ බලා උන්නිද...


දුරට නොගොසින් ළගම දැවටී
හඩවතේ පතුලේම සැගවී
ගයා උණුසුම් කුරුටු ගීතය
ජීවිතේ හැමදාම පුරවන
ඔඹයි ආදර රෝස කැකුළිය!


කියඹුවැල් මදනළට හසුවී
සුවද රොන්සුණු සමග තැවරී
පැමිණ නොපෙනෙන තැනක සැගවී
සිනාසෙන හැටි සොදුරු මියැසී
මගේ උණුසුම තුළම වැතිරී...


03/16/08
DSproto